太古的商場明天起將推出以Fun to Build為主題的「BANDAI SPIRITS HOBBY EXHIBITION」,今年是高達模型誕生40週年相信不少高達迷,都對元祖高達 RX-78-2有特別的感情!同場還設有多個主題展覽區,包括展出3米高RX-78-2半身及全身最新限量GUNPLA模型和最新作品「MGEX 1/100 UNICORN GUNDAM Ver.Ka」,展覽仲會揭秘機動戰士生產過程及售賣最新限定版高達模型,粉絲當然要搶先參觀和帶曬佢地番屋企啦!

全身3米高達,粉絲梗係想同高達1:1近距離接觸啦,呢個拍攝角度就不妨考慮將鏡頭從較低處向上拍,可突顯高達的高度。

最佳位置 拍攝3米高RX-78-2高達,想拍到高達最清晰嘅一面,當然要和半身高達影番張先,自拍無難度!

重溫經典之作,會場更展出歷年RX-78高達模型。

製作大揭秘,除咗可供近距離欣賞全身及半身高達模型,相信一眾粉絲都唔想錯過模型大師的製作過程,大家可以嚟一探究竟!

首度曝光最新GUNPLA高達模型,最新作品包括「MGEX 1/100 UNICORN GUNDAM Ver.Ka」。

▲「MG 1/100 WING GUNDAM ZERO EW Ver.Ka」, 仲有呢個11月先開售,宜家俾大家止下癮先~

限量商品搶先睇,高達模型40週年期間限定店,每星期輪流展出多款限定作品。

慶賀高達40歲生日召喚高達fans接受挑戰,大家只要喺Like咗Cityplaza Hong Kong Facebook專頁及貼文,並將心愛的高達模型擺出最型Pose並將相片上載至個人Facebook(需設定為公開), 於貼文中標籤@cityplazahk及另一位朋友,並加上主題Hashtag #FunToBuild,即可參與。得獎者可獲得模型控夢寐以求,只在日本東京台場獨家限定,專業玩家必入手的1/60 4色注射成形機,以及分件精密、關節可以靈活郁動的Entry Grade 1/144 RX-78-2 高達各一份!各位愛好模型的收藏者當然不要錯過這個機會。