連登巴打又有料爆!轉自:https://lihkg.com/thread/1558953/

本文原本係就《原來消防處大話: http://hongkonglocal.com/r/B1aVM》一文嘅一個回覆,

但可能太長要分三段post怕大家睇得辛苦,所以再喺度分3part post清楚希望對件事了解多啲,見諒勿屌。

朋友嘅朋友嘅親戚冇連登account, 借我account同大家講啲嘢:

今日聯合欺騙記者會消記斬釘截鐵話係數錯,應該得7個傷者,睇完我有啲疑問想分享吓。。。

講之前大家可重温此post

幫手出:831前線救護爆料
https://lih.kg/1530652
– 分享自 LIHKG 討論區

Part 1

首先,消記喺大型意外事故(MCI) 情況下,係會將傷者按嚴重程度用4隻顏色去分類,我會概括講下點分顏色,由輕傷到重傷計,詳細可看下圖:
*此圖非官方設計圖,但內容一樣*

1) 綠色(第三優先) :行得走得就計綠色
2) 黄色(第二優先) :有呼吸但行唔到呼吸率同血液回流灌注達合格程度清醒程度要係alert嘅
3) 紅色(第一優先) :仲有呼吸但行唔到而且呼吸率唔達標 or 血液回流灌注唔達標 or 清醒程度非alert 是但中一樣都會納入紅色
4) 黑色:現場已經無呼吸無脈搏,此類傷者在MCI 情況下係不會作出優先處理,當死亡論

 

part 2

好啦,解釋完顏色分類後,點解我會有疑問呢?點解十個會變七個呢?

記者會上消記個狗官羅宋湯話第一個入場嘅救護主任數到有十個傷者,其他救護員就喺地面set場預備,呢度已經有問題。

第一,雖然救護做嘢第一大規條係”確保現場環境安全”, 但講緊係隊crew 在事發現場自行評估,ok 嘅就即該埋位做嘢,而唔係如記者會上消防狗官講”先派救護主任單人匹馬做探子,再回頭決定派員救援”嘅情況,消記FS Manu係唔會有咁嘅order嘅。啲crew 點解冇落去就喺地面停晒手?點解當時只有救護主任一人先進場而唔帶crew跟身? 會否影響救援? 點解當日TST地鐵站縱火案又唔同今次手法? 還是被其他人阻攔進場???

第二,消記狗官話救護主任以外嘅人員留喺地面set場預備又係有問題。 因為消記指引係MCI出現時,頭車到場救護車人員係要負責數傷者人數及進行檢傷分類,set場放好紅黄綠三色地毯,而第二隊到場救護車人員係負責treatment, 第三四架到場車係負責parking同load傷者上車嘅。如果係咁,我當你有兩對crew負責頭車工作set場,但佢哋入唔到場點head count? 其他crew又喺度做緊乜? 點解唔入場處理傷者? 定係某啲原因入唔到場? 仲有,點解三色地毯唔係set喺最近傷者嘅位置(月台) 而要set喺地面? 救護總區所有屬員都有上過SSU(特別支持隊) ,點解會出錯?

 

 

Part 3

第三,消記狗官話當時現場混亂,傷者位置分散及經常變位? 我屌你啦,乜紅色黄色傷者自己有移動能力嘅咩? 要移都係消防人員treat好先移啦,移得嘅就即係有伙記睇住啦? 咁點會錯呀? 還是有啲傷者俾其他人移動過呀? 3 紅2黄2綠傷者,得嗰2個綠色傷者有能力郁姐, 而且有crew睇住會郁到唔見人?

第四,MCI 傷者人數從來都只會增加而極少減少, 而且多數都係出現喺綠色傷者身上,好多時佢哋都唔嗲唔吊糾結於要唔要睇醫生, 試問一下身受重傷嘅紅色黃色傷者會唔會等等下決定唔去睇呀? 好,就當你消記狗官話有市民決定唔睇醫生自行離去? 我又屌你啦,咁大壇嘢決定唔睇醫生隊crew都要對方簽番 refusal form啦, 而家有冇簽呀? 有嘅又唔講人數???

最後一點,希望係炒車。。。上文有提過嘅黑色傷者係唔會送院嘅

最最後,消記有誠意解話嘅就print晒成轉call, 由time of call, dispatch time, respond time, 到場時間,到病人身邊時間,送院時間成份viewlog出嚟講!

怕冇人睇,所以會另開一post, 見諒勿屌

香港人加油!

 

//
本文章內容皆轉載Lihkg,一切內容均不代表本網站之立場,

未知資料是否屬實,本文謹供網友參考備份

https://lihkg.com/thread/1558953/